Esta cantiga tradicional extraída do cancioneiro de Gustavo Freire pareceume moi interesante tanto pola música como polo texto. Arranxeina para guitarra, engadíndolle diferentes variantes. As variacións non seguen o que se podería entender como modelo formal, onde van numeradas e separadas. Están todas enlazadas de tal maneira que lle dan á partitura unha unidade total. O tema sempre está presente e creo que resulta unha partitura moi agradable tanto para o que toca como para o que escoita.

Somentes me resta animar aos guitarristas a interpretala, seguro que lles gustará. Igualmente aqueles que o desexen poden mandarme a través do correo de Agromadas as consideracións que estimen oportunas. Anticípolles que as lerei con atención.