I CONVOCATORIA CERTAME CULTURAL E LITERARIO

1 I CONVOCATORIA CERTAME CULTURAL E LITERARIO "Pequenos contos, grandes historias: celebra as nosas letras!"

1. Obxecto Con motivo da celebración do Día das Letras Galegas, a Asociación Cultural Agromadas convoca o I Certame Cultural e Literario. O seu obxectivo é promover a creación artística e literaria vinculada á cultura e á lingua galegas, fomentando a reflexión sobre a súa riqueza e diversidade.

2. Contido e categorías dos traballos. En calquera das categorías, os traballos realizados poderán inspirarse en calquera aspecto da nosa lingua e cultura: contos, lendas, figuras literarias, personaxes populares ou escenas da nosa tradición. Os traballos deberán ser orixinais.

o Categoría A: Alumnado de Educación Infantil e ata 2º curso de Educación Primaria. Nesta categoría, as persoas participantes poderán presentar unha obra artística (debuxo, traballo manual, artesanía ou calquera outra reprodución creativa).

o Categoría B: Alumnado de 3º ata 6º de Educación Primaria. Nesta categoría, as persoas participantes poderán elixir entre dúas modalidades:

? Poema: As persoas participantes deberán escribir un poema cun máximo de 22 versos de estilo libre. O poema debe ser orixinal, e poderá adoptar calquera forma ou estrutura literaria, sempre respectando o límite de versos.

? Relato curto: As persoas participantes tamén terán a opción de presentar un relato breve cun máximo de 120 palabras.

o Categoría C: Adulto/xuvenil. Nesta categoría, as persoas participantes poderán elixir entre dúas modalidades:

? Poema: As persoas participantes deberán escribir un poema sen máximo de versos de estilo libre. O poema debe ser orixinal, e poderá adoptar calquera forma, sempre respectando o límite de versos.

? Relato curto: As persoas participantes tamén terán a opción de presentar un relato breve cun máximo de 180 palabras.

3. Forma e lugar de presentación Xunto coa entrega dos traballos, incluirase o anexo I debidamente cuberto coa seguinte información: Nome e apelidos; etapa educativa-curso (nas categorías A e B); categoría á que se presenta; título do traballo. O lugar de presentación dos traballos será: - fisicamente na Asociación cultural Agromadas (Rúa Abelardo Arce, nº25, Seixalbo) - por correo electrónico (agromadass@gmail.com) - ou ben, no caso dos traballos realizados polo alumnado do CEIP Seixalbo, serán recollidos no propio centro por parte da asociación.

I CONVOCATORIA CERTAME CULTURAL E LITERARIO

2 4. Prazo de presentación de traballos Os traballos de todas as categorías poderán presentarse ata o 30 de abril de 2025.

 5. Premios Os traballos recibidos serán obxecto de exposición o día 17 de maio de 2025 no local da Asociación Cultural Agromadas. Todos os traballos recibidos serán recollidos e conservados para a realización dun libro do que se entregará copia ó CEIP Seixalbo así coma outra copia quedará baixo a custodia da asociación cultural Agromadas. Entregarase a cada persoa participante que asista á exposición das obras entregadas o sábado 17 de maio de 2025 ás 12,00h, un diploma acreditando a súa participación no mesmo.

 6. Composición do xurado O xurado estará composto por persoas da asociación cultural Agromadas. 7. Dereitos de propiedade intelectual Os/as participantes ceden á Asociación Cultural Agromadas con carácter de exclusiva e sen limitacións de ningún tipo todos os dereitos de propiedade intelectual e industrial para o uso, reproducción e explotación dos traballos presentados ao certame.

Seixalbo, a 27 de marzo de 2025.

Asociación Cultural Agromadas

Bases para o Premio Freire Carril 2025 

1) Convocatoria.

2) Espíritu e obxectivo.

3) Categoría.

4) Entrega dos premios

5) Dotación

6) Participantes e obxecto.

7) Grupo avaliador e xurado.

8) Selección.

9) Responsabilidades e condicións.

10)  Comunicacións e publicidade.

11)  Organización.

12)  Presentación de candidaturas.

13)  Prazos e datas

14)  Confidencialidade e tratamento de datos.

Convocatoria

A Asociación Cultural AGROMADAS é a organizadora do Premio Freire Carril, que recoñece como

Premio Freire Carril, ás persoas ou entidades residentes en Galicia ou non, que se distingan pola defensa da lingua e a cultura galega, así como das súas tradicións, ou que de algunha forma, axuden a engrandecer o pobo galego e as súas xentes, tanto no eido cultural como no social.

Espíritu e obxectivo 

a) O espíritu do Premio Freire Carril é premiar a aquela persoa ou entidade que sobresaia nalgún eido da cultura, (escultura, música, literatura, teatro) ou así mesmo no eido social, pero especialmente pola súa defensa da lingua e da cultura galega, como das súas tradicións, ou que de algunha maneira axude a engrandecer o pobo galego e as súas xentes.

O obxectivo do Premio Freire Carril é contribuir a promocionar a defensa da cultura galega en xeral e en particular a lingua e as artes tradicionais de Galicia, así como espallar o nome de Seixalbo. 

3º) Categoría

Premio Freire Carril xxxx (ano de entrega)

 4º) Entrega de Premios

A entrega do Premio Freire Carril, realizarase nun acto público, convocado a tal efecto, que se dotará da transcendencia e solemnidade adecuadas, e que se enmarcará dentro da Festa dos Foros, que se celebra todos os anos no último fin de semana de xuño, co seguinte calendario:

Venres----------Teatro

Sábado-----------Festa das adegas

Domingo--------Entrega do Premio Freire Carril

5º) Dotación

O Premio Freire Carril, non ten dotación económica, e consistirá nunha figura, dun escultor galego, e dun diploma acreditativo.

6º) Participantes e obxecto

Para o premio Freire Carril, poden ser recoñecidas, persoas físicas ou entidades, residentes ou non en Galicia, e que cumpran as condicións que se estipulan nos apartados anteriores destas bases.

7º) Grupo avaliador e xurado

A avaliación das candidaturas realizarase por un grupo de persoas formado polos membros da Directiva da A. C. Agromadas, (membros natos do xurado) e de outras persoas relevantes, independentes da A. C. Agromadas e de recoñecida competencia, que serán designadas pola Directiva da A. C. Agromadas, para cada ano, sendo un mínimo de 12 persoas, (directiva e designados). A Directiva da A. C. Agromadas tamén procurará que os premiados en anos anteriores, participen como xurado, presentadores, etc na entrega do premio no ano actual.

A presidencia do xurado será ostentada polo presidente de A. C. Agromadas, que contará cun voto de calidade. Como secretario actuará o secretario da A. C. Agromadas. Previamente á reunión do xurado, establecerase o sistema de votación, dependendo do número de candidaturas presentadas.

O xurado poderá declarar deserto o premio se as candidaturas non reuniran as condicións que se establecen nestas bases.

O fallo do xurado será inapelable.

8º) Selección.

Para o Premio Freire Carril, o xurado terá en conta os seguintes criterios xerais:

Relevancia dos traballos do posible galardoado, (persoa ou entidade), o nivel de difusión dos mesmos, importancia dos mesmos para a conservación do noso patrimonio, lingua ou costumes da nosa terra.

9º) Responsabilidade.

Calquera circunstancia non prevista nas presentes bases, será resolta pola Directiva de A.C. Agromadas, organizadora do premio, e os participantes acatarán estas decisións de forma inapelable.

A.C. Agromadas resérvase o dereito de modificar os prazos das distintas etapas, así como calquera outro aspecto que, ao seu criterio, implique melloras organizativas ou dos seus procedementos.

10º) Comunicacións e publicidade

O premio comunicaráselle ó interesado no momento do fallo do mesmo, así como ós medios de comunicación habituais e exporase no taboleiro da A,C,Agromadas, para a súa difusión e coñecemento do público en xeral.

11) Organización

A organización, presentación e entrega do premio Freire Carril corresponde unicamente a A.C. Agromadas.

12º) Presentación de candidaturas

Para o Premio Freire Carril, as candidaturas deberán presentarse en sobre pechado, debidamente argumentadas, asinadas pola persoa ou persoas que a presentan, e dirixidas ó

Presidente de A.C. Agromadas,

facendo constar no sobre: “Proposta de candidatura para o Premio Freire Carril xxxx”.

As candidaturas deberán presentarse en tempo de presentación de candidaturas, conforme ó calendario das bases do premio.

13º) Prazos e datas.

A) O día 1 de abril convocarase, por parte de A.C. Agromadas, o Premio Freire Carril do ano correspondente, por medio de carteis e medios de comunicación habituais, ó alcance da A.C. Agromadas.

B) Do día 2 de abril o 15 de maio, tempo de presentación de candidaturas.

C) Do día 16 ao 30 de maio, estudo das candidaturas por parte do xurado designado.

D) Día 30 de maio, fállase o premio en reunión presencial do xurado na sede de A.C. Agromadas. Comunícaselle ó interesado e farase público no taboleiro da A.C. Agromadas.

E) A entrega do premio farase nun acto público, coa solemnidade que o acto require, o último día da festa dos foros, domingo, á tarde.

14º) Confidencialidade e tratamento de datos

O feito de participar no premio Freire Carril supón a plena aceptación destas bases por parte dos candidatos.

A A.C. Agromadas, resérvase o dereito de efectuar calquera cambio, rectificación ou aclaración das bases legais.

A A.C. Agromadas informa que os datos dos participantes, así como fotografías, vídeos ou outros tipos de reportaxes, que se poidan facer na entrega do premio, así como antes ou despois, para promocionar o propio premio, pasarán a formar parte da base de datos da A.C. Agromadas. Así mesmo os premiados autorizan o uso dos seus datos para posibilitar a entrega dos premios.

A A.C. Agromadas, en cumprimento do establecido na Ley Orgánica 3/2018, de 5 de decembro, sobre Protección de datos Persoais e garantía dos dereitos dixitais, declara que o premiado poderá exercer os dereitos de acceso, rectificación, cancelación e oposición, establecidos na lexislación vixente a través do correo de A.C. Agromadas,

“Asociación Cultural Agromadas”,

Rúa Abelardo Arce Mayora, 24

Seixalbo-Ourense

D.P. 32970

Xuño de 2024. Vila de Seixalbo

O Secretario O Presidente

J.M. Álvarez M.H. Iglesias Vázquez

A Directiva